Bugun 7 yanvar, 2025 yil, seshanba

КИР

O‘zbekistonlik 10 nafar shaxmatchi FIDE ning yangilangan reytingidan joy egalladi

O‘zbekistonlik 10 nafar shaxmatchi FIDE ning yangilangan reytingidan joy egalladi

Xalqaro shaxmat federasiyasi (FIDE) 2025 yil yanvar oyi uchun dunyo shaxmatchilarining yangilangan reytingini e’lon qildi.

Erkaklar o‘rtasidagi yangilangan reytingning yuqori o‘nligi deyarli o‘z o‘rnida qolgan bo‘lsa, o‘tgan yil dekabr oyida AQShda kechgan rapid va blis bo‘yicha jahon chempionati, Qatarda yakunlangan nufuzli xalqaro turnir kabi musobaqalarda qayd etilgan natijalar reytingning o‘rta va quyi pog‘onasida katta o‘zgarishlarga sabab bo‘ldi.

E’tiborli jihati, yangilangan reytingda dunyo shaxmatchilarining TOP-100’ taligidan 5 nafar grossmeysterimiz joy oldi.

O‘zbekistonlik 10 nafar shaxmatchi FIDE ning yangilangan reytingidan joy egalladi

Norvegiyalik Magnus Karlsen (2831) reyting peshqadamligini saqlab qoldi. Amerikalik Fabiano Karuana (2803) va Hikaru Nakamura (2802) kuchli uchlikni yakunladi.

Hindistonlik Arjun Ergaisi (2801) va Dommaraju Gukesh(2777) Nodirbek Abdusattorov(2768)dan oldingi o‘rinlarni egalladi.

Birinchi raqamli shaxmatchimiz Nodirbek Abdusattorov 6-o‘rinda qayd etilgan vaziyatda Javohir Sindorov (2692) 37, Rustam Qosimjonov (2683) 45, Shamsiddin Vohidov (2659) 52, Nodirbek Yoqubboyev (2659) 67-pog‘onada qayd etildi.

O‘zbekistonlik 10 nafar shaxmatchi FIDE ning yangilangan reytingidan joy egalladi

Ayollar reytingining kuchli o‘nligida 5 nafar xitoylik, 2 nafar rossiyalik, 1 nafardan Hindiston, Ukraina va Gruziya shaxmatchi qizlarining nomlari keltirilgan bo‘lsa, reytingning kuchli to‘rtligi aynan chin yurti vakillariga tegishli bo‘ldi. Reyting peshqadamligiga Xou Ifan (2633) erishgan bo‘lsa, Venszyun Szyuy (2561), Chjun’i Tan (2561), Tinsze Ley(2552) keyingi pog‘onalarda ko‘rinish berdi.

O‘zbekiston shaxmat ishqibozlari uchun quvonarli jihati, yosh qizlar o‘rtasida jahon chempionligiga erishgan Afruza Hamdamova 218 reyting ochko jamg‘argan holda TOP-100 ro‘yxatga o‘z nomini muhrladi.

O‘zbekistonlik 10 nafar shaxmatchi FIDE ning yangilangan reytingidan joy egalladi

Aytish lozim, ortda qolgan yil davomidagi musobaqalarda muvaffaqiyatli ishtirok etib kelgan yosh shaxmatchi yigitlarimizdan Javohir Sindorov yoshlar reytingida 3-o‘rinni egalladi.

Shuningdek, TOP-100lik ro‘yxatda hamyurtlarimizdan Muhiddin Madaminov (2521) 31, Muhammadzohid Suyarov (2465) 68-qatordan joy egalladi.

Yosh qizlar reytingida Afruza Hamdamova(2354) 9, Umida Omonova(2228) 47, Guldona Karimova(2200) 62-o‘rinlarda qayd etilgani mamlakatimiz shaxmatchilarining xalqaro maydondagi natijalari yanada ortib borayotganini ko‘rsatmoqda.

O‘zbekistonlik 10 nafar shaxmatchi FIDE ning yangilangan reytingidan joy egalladi

Kiritildi: 16:00 02.01.2025. O'qildi: 564 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!