O‘zbekistonga xizmat safari bilan kelib, so‘ng bedarak yo‘qolgan rossiyalik Moskva sudida paydo bo‘ldi. U davlatga xiyonat ishi bo‘yicha hibsga olingan. Bu haqda Mediazona yozmoqda.
Unda aytilishicha, Rossiyaning Ukrainaga bosqinidan so‘ng Georgiy Pirogov ismli shaxs Rossiyani tark etgan va Gruziyada sanoat alpinisti bo‘lib ishlayotgan bo‘lgan.
6 iyul kuni esa O‘zbekistonning Qo‘ng‘irot shahriga xizmat safari bilan kelib, so‘ng to‘satdan g‘oyib bo‘lgan. Tez orada qidiruvga berilgan Pirogovning mashinasi Qo‘ng‘irotdan 90 kilometr uzoqlikda joylashgan Qoraqalpog‘iston Respublikasi poytaxti Nukus shahridan topiladi. Ammo uning o‘zi Rossiya poytaxti Moskvada ekani xabar qilinadi.
Uning O‘zbekistondan Rossiyaga qanday qilib kelib qolgani, kim qo‘lga olgani hali noma’lum.