O‘zbekistonga tijorat maqsadida kelgan xorijliklar soni e’lon qilindi

Statistika agentligi ma’lumotiga ko‘ra, 2024 yil yanvar-noyabr oylarida 165,1 ming nafar chet el fuqarosi tijorat maqsadida O‘zbekistonga tashrif buyurgan.

Bu ko‘rsatkich o‘tgan yilning mos davri bilan solishtirganda 104 ming nafar yoki 2,7 barobar oshgan. Yurtimizga tijorat maqsadida eng ko‘p - 89 218 odam Turkmanistondan kelgan.

Shuningdek, joriy yil 11 oyida Qirg‘iz Respublikasi, Tojikiston, Rossiya, Afg‘oniston, Turkiya, Xitoy, Hindiston, AQSh va Janubiy Koreya tijoratchilari ham respublikamiz bilan hamkorlik qilishni ma’qul topgan.