O‘zbekistonga 13—15 mart kunlari COVAX dasturi doirasida COVID-19 ga qarshi jami 875 520 doza Pfizer vaksinasi olib kelindi. Bu haqda Sanitariya-epidemiologiya qo‘mitasi matbuot xizmati xabar berdi.
Qayd etilishicha, mamlakatga ilk bor olib kelingan mazkur vaksina COVID-19 omikron B.A.4 va B.A.5 shtammlariga qarshi tayyor eritilgan vaksinadir.
“Bugungi kunda butun dunyo bo‘ylab pandemiyaning oldini olish uchun COVID-19 infeksiyasiga qarshi emlanish maqsadga muvofiqligi va nihoyatda muhimligini ko‘rsatmoqda”, — deyiladi xabarda.
Ma’lumot uchun, O‘zbekistonda ayni kungacha jami 75 670 234 doza vaksinadan foydalanilgan. COVID-19 infeksiyasiga qarshi kurashish va uning tarqalishining oldini olishning eng samarali yo‘li – immunizasiya, ya’ni aholini infeksiyaga qarshi vaksina bilan emlashdir.
Dunyoning eng ko‘p maosh oluvchi sportchilari ma’lum bo‘ldi
Rossiya iqtisodiyoti qulashi mumkin
O‘zbekiston rasmiysi AES qurilishi bo‘yicha bayonot berdi
