O‘zbekistonga kelgan turistlarga bepul SIM-kartalar taqdim etiladi. Bu haqda Vazirlar Mahkamasining 582-sonli qarorida aytib o‘tilgan.
Unga ko‘ra, turistlarga qo‘shimcha qulayliklar, jumladan, aeroportlar, vokzallar va chegara o‘tish punktlarida bepul SIM-kartalar taqdim etiladi. Aeroport va vokzallarda "Tourist map" portali, bepul Wi-Fi zonalari ishga tushiriladi.
Shuningdek, turistlar uchun milliy va xalqaro xaritalar, yo‘nalishlar hamda avtotransport vositalarini ijaraga olish xizmatlari ko‘zda tutilgan.
