O‘zbekistonda yangi bayram belgilanmoqda

O‘zbekistonda 21 oktyabr — O‘zbek tili bayrami kuni etib belgilanishi mumkin.

Gap nimada?

24 mart kuni Senatning galdagi yalpi majlisida "O‘zbek tili bayrami kunini belgilash to‘g‘risida"gi qonun ko‘rib chiqilgan.

Qonunga ko‘ra, 21 oktyabr alohida bayram sifatida belgilanadi. Shu paytgacha shunchaki til bayrami sifatida o‘tib ketardi. Dam olish kuni bo‘ladimi-yo‘qmi, bunisi ochiqlanmagan.

Iqtibos

"Qonun ijtimoiy hayotida va xalqaro maydonda o‘zbek tilining nufuzini oshirishga, yoshlarni vatanparvarlik, milliy an’analar va qadriyatlarga sodiqlik ruhida tarbiyalashga qaratilgan", deyiladi Senat xabarida.