O‘zbekistonda nechta muzey bor?

Davlat statistika qo‘mitasi ma’lumotlariga ko‘ra, 2021 yil 1 yanvar holatiga O‘zbekistondagi muzeylar soni 105tani tashkil etgan.

Hududlar kesimida eng ko‘p muzey Toshkent shahrida joylashgan (29ta), eng kami esa Sirdaryo viloyatida (1ta).

Bundan tashqari, Buxoro viloyatida 19ta, Farg‘onada 13ta, Samarqandda 12ta, Toshkent, Navoiy, Jizzax viloyatlarida 5 tadan, Qoraqalpog‘iston Respublikasida 4ta, Xorazm va Qashqadaryo viloyatlarida 2 tadan muzey joylashgan.

Ma’lumot uchun, 2021 yilda butun dunyo bo‘yicha eng mashhur muzeylar reytingida Parijdagi (Fransiya) Luvr muzeyi 9,6 million tashrif buyuruvchi bilan 1 o‘rinda turar ekan.