Ikkita “Afrosiyob” zamonaviy poyezdida intranet tizimi ish boshladi.
«O‘ztemiryo‘lyo‘lovchi» AJ axborot xizmati xabariga ko‘ra, ushbu intranet tizimida “Afrosiyob” zamonaviy poyezdlarida yo‘lovchilar, nafaqat mamlakatimiz balki dunyoda yuz berayotgan yangiliklar va o‘zgarishlar haqida ma’lumotlarni ko‘rib, o‘qib hamda tomosha qilib borish imkoniyatiga ega bo‘ladilar. Shuningdek, intranet tizimida yo‘lovchilarga musiqa tinglab, klip va filmlar tomosha qilish imkoniyatlari yaratiladi.
Bugundan boshlab bu tizim «Toshkent — Buxoro» yo‘nalishida harakatlanadigan 762-sonli hamda «Toshkent— Qarshi» yo‘nalishida harakatlanadigan 760-sonli “Afrosiyob” zamonaviy poyezdlarida ishga tushirildi. Joriy yil 21 sentyabrdan boshlab, 766-sonli “Afrosiyob” zamonaviy poyezdida ham intranet tizimi yo‘lga qo‘yiladi.
Bu tizim bosqichma-bosqich amalga oshirilib, yaqin kunlarda yana 2 ta “Afrosiyob” zamonaviy poyezdlarida ham ishga tushirish ko‘zda tutilgan.
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
Amerikalik taniqli bokschi Bahodir Jalolov haqida fikr birdirdi
