O‘zbekistonda har bir OTMning noyob imij va brendi konsepsiyasi ishlab chiqilishi kutilmoqda

O‘zbekistonda har bir OTMning noyob imij va brendi konsepsiyasi ishlab chiqilishi kutilmoqda

Bu bo‘yicha Vazirlar Mahkamasining qarori loyihasi muhokamaga qo‘yildi.

🗓 Unga ko‘ra, 1-avgustga qadar har bir OTMning o‘ziga xosligidan kelib chiqib, tarixiy rivojlanish xususiyatlari, ijtimoiy vazifasi va hozirgi zamon talablari asosida noyob imij va brend konsepsiyasi ishlab chiqiladi.

🔰 Bunda, har bir OTMning xususiyati, ilmiy va ta’lim sohasidagi yutuqlari, innovasion yo‘nalishlaridan kelib chiqib uning logotipi va vizual identifikasiyasi (suvenir, kanstovar mahsulotlari, turli xildagi buyumlar, sport va boshqa kiyimlar) yaratiladi.

🔰 Shuningdek, OTMlar o‘z brendi aks ettirilgan buyumlarni ishlab chiqaruvchi tashkilotlar bilan hamkorlik qilishi hamda oliygohlarning o‘zida ularning savdo shoxobchalarini tashkil etilishi belgilangan.

👔 Qaror loyihasida, 2025-yil noyabr oyiga qadar OTM logotipi, tashrif qog‘ozi, madhiyasi va vizual identifikasiyasini ishlab chiqish bo‘yicha tanlov e’lon qilish, professor-o‘qituvchilar va talabalar uchun logotip tushirilgan maxsus kiyim, suvenir, kanstovar mahsulotlari, turli xildagi o‘yinchoq, fleshka va boshqa tegishli mahsulotlar yaratish chora-tadbirlari belgilab qo‘yilgan.