2025 yil 1 iyun holatiga ko‘ra, O‘zbekistonda tijorat banklari tomonidan berilgan ipoteka kreditlari umumiy hajmi 5,57 trln so‘mga yetdi. Bu haqda Iqtisodiyot va moliya vazirligi ma’lum qildi.
Eng faol uchta bank – «Milliy bank» (936,2 mlrd so‘m), «Ipoteka-bank» (930,5 mlrd so‘m) va «Agrobank» (752,9 mlrd so‘m) bo‘lib, ular jami 2,62 trln so‘m ipoteka krediti ajratdi. Bu umumiy miqdorning taxminan yarmini tashkil etadi.
Reytingning pastki qismida esa «Trastbank» (26,3 mlrd so‘m), «Asia Alliance Bank» (30,9 mlrd so‘m) va «Asakabank» (52,1 mlrd so‘m) kabi banklar joy oldi. Ular ipoteka bozorida nisbatan past faollik ko‘rsatgan.
Ipoteka kreditlari taqsimotida gender jihatdan erkaklar ustunlik qildi — ular umumiy mablag‘ning 62 foizini (3,5 trln so‘m), ayollar esa 38 foizini (2,07 trln so‘m) tashkil etdi. Bu ko‘rsatkichlar mamlakatda ayollar ishtirokini rag‘batlantirishga qaratilgan siyosatga qaramay, hali ham erkaklar moliyaviy faolligi yuqori ekanini ko‘rsatadi.
Ipoteka bozoridagi bunday faollik aholining turarjoyga bo‘lgan talabining yuqoriligi va bank sektorida kredit mahsulotlariga bo‘lgan ishonchni anglatadi.
Abduqodir Husanov «Barsa»ga o‘tishi mumkin — Deku uni «kelajak himoyachisi» deb biladi
Isroil mojarosiga aralashgan uchinchi davlat Eron tomonidan zudlik bilan jazolanadi
"Shu dam olish kunlari AQSh Eronni keng ko‘lamli bombardimon qilishni boshlaydi" - manba
