O‘zbekiston va Qozog‘iston o‘rtasidagi tovar ayirboshlash hajmi ma’lum qilindi

2024 yilning yanvar-sentyabr oylarida O‘zbekistonning Qozog‘iston bilan tashqi savdo aylanmasi 3 milliard AQSh dollariga yetdi.

O‘zbekiston Statistika agentligi ma’lumotlariga ko‘ra, bu o‘tgan yilning shu davriga nisbatan 6,6 foizga kam (2023 yilning yanvar-sentyabr oylarida 3,2 milliard dollar).

Qozog‘iston belgilangan davr mobaynida tovar aylanmasi bo‘yicha O‘zbekistonning yetakchi beshta yirik savdo hamkorlari qatoriga kirdi.

O‘zbekistondan Qozog‘istonga eksport hajmi 997,7 milliard AQSh dollarini tashkil etdi, bu o‘tgan yilga nisbatan 0,23 foizga kam (2023 yil yanvar-sentyabrda 1 milliard AQSh dollari).

Qozog‘istondan O‘zbekistonga import 2024 yilning yanvar-sentyabr oylarida 2 milliard dollarga yetdi. Bu ko‘rsatkich o‘tgan yilning shu davriga nisbatan 5 foizga kamaydi (2023 yilning yanvar-sentyabr oylarida 2,1 milliard dollar).

Eslatib o‘tamiz, O‘zbekiston tashqi savdo aylanmasi hajmi 2024 yilning yanvar-sentyabr oylari davomida 48,2 milliard AQSh dollarini tashkil etdi. Bu ko‘rsatkich o‘tgan yilga nisbatan 7,7 foizga oshgan (2023 yil yanvar-sentyabrda 44,7 mlrd. dollar).