O‘zbekiston va Qozog‘iston Qirg‘iziston fuqarolariga Turkiyadan vataniga qaytishiga yordam bermoqda. Bir guruh qirg‘izistonliklar Qozog‘istonning maxsus reysida Turkiyadan qaytishdi, deb yozadi @SputnikKZ TIVga tayanib.
22 nafar qirg‘izistonlik va 42 nafar qozog‘istonlik Gaziantep, Mersin, Qahramanmarash, Diyorbakir, Shonliurfa va Elazig‘dan Ostonaga olib kelindi.
Qirg‘iziston O‘zbekiston bilan ham kelishib oldi: O‘zbekiston orqali o‘z vataniga qaytmoqchi bo‘lgan qirg‘izistonliklardan Gaziantep aeroportiga zudlik bilan yetib kelishlari so‘ralyapti. Bugun ertalab u yerdan Toshkentga O‘zbekistonning maxsus samolyoti uchadi.
