O‘zbekiston va Eron tranzit yuk avtomobillari uchun bojlarni kamaytiradi.
Bu haqda Eron avtomobil yo‘llari vaziri o‘rinbosari Shaxriar Afandizade xabar qildi.
Uning so‘zlariga ko‘ra, yaqinda O‘zbekiston Transport vazirining birinchi o‘rinbosari Mamanbiy Omarov bilan bo‘lib o‘tgan uchrashuvda ikkala tomon ham yo‘l yig‘imlarini imkon qadar tezroq kamaytirishga kelishib olishgan.
Undan tashqari, yaqin vaqt ichida O‘zbekiston transport vaziri Eronga tashrif buyuradi va u yerda temiryo‘l va avtomobil transport infratuzilmalarini ko‘zdan kechiradi.
Eronlik mulozim aytishiga ko‘ra, “Bu uchrashuv ikki davlatning transport sohasidagi hamkorligida yangi sahifa bo‘lishi mumkin”.
