10-may kuni O‘zbekiston Respublikasi tashqi ishlar vaziri o‘rinbosari Bahromjon A’loyev Falastin Davlati va Saudiya Arabistoni Podshohligining mamlakatimizdagi Favqulodda va Muxtor Elchilari Javad Muhammad Avad hamda Yusuf Al-Utaybiy bilan alohida uchrashuvlar o‘tkazdi.
Suhbatlar chog‘ida tomonlarni qiziqtirgan sohalardagi aloqalarni rivojlantirish istiqbollari muhokama qilindi. BMT, IHT va boshqa xalqaro tuzilmalar doirasidagi o‘zaro hamkorlikka alohida e’tibor qaratildi. Turli shakldagi bo‘lajak muloqotlar jadvali yuzasidan ham fikr almashildi.
