O‘zbekiston Respublikasining Isroildagi Elchixonasi Isroilda maxsus ogohlantirishlar berib borilishini ma’lum qildi

O‘zbekiston Respublikasining Isroildagi Elchixonasi xabar berishicha, Isroil hududida xavfsizlik masalalari bo‘yicha Front orti qo‘mondonligi tomonidan maxsus ogohlantirishlar berib boriladi.
Shu munosabat bilan vatandoshlardan belgilangan rasmiy ko‘rsatmalarga qat’iy amal qilish so‘raladi.

🟥 Qizil rangdagi ogohlantirish — xavfli vaziyatni anglatadi. Bunday paytda:
• Yaqin atrofdagi himoyalangan joy (boshpana/mamat) yaqinida bo‘lish;
• Harakatlanishni cheklash;
• Sirena yangraganda zudlik bilan himoyalangan joyga kirish va keyingi ogohlantirish berilgunga qadar u yerdan chiqmaslik zarur.

🟦 Ko‘k rangdagi ogohlantirish — xavf o‘tganini va himoyalangan joyni tark etish mumkinligini bildiradi. Boshpana yaqinida qolish shart emas.

Elchixona har qanday holatda ham rasmiy organlar ko‘rsatmalariga rioya qilish hamda yaqin atrofdagi boshpana joylari haqida oldindan ma’lumotga ega bo‘lish muhimligini ta’kidlamoqda.