O‘zbekiston Respublikasi Sport vaziri o‘rinbosari Durdona Rahimova rahbarligidagi ishchi guruh Xorazm viloyatida o‘rganish ishlarini olib bordi.
O‘rganishlarni dastlab, Yangibozor tumani Yangibozor shaharchasi «Do‘stlik mahallasi»da joylashgan markaziy stadion, shu jumladan yangidan qurilib bitkazilgan kurash mahorat maktabida amalga oshirilgan qurilish-o‘rnatish ishlari, yaratilgan sharoitlar, jihozlanish holatini ko‘zdan kechirishdan boshladi.
O‘rganishlar davomida tumandagi «Navro‘z mahallasi»da joylashgan 1-sonli sport maktabi faoliyati, ishlarni samarali tashkil etilganligi, moddiy-texnik bazasi hamda sportchilarni qo‘llab-quvvatlash bo‘yicha amalga oshirilayotgan ishlar o‘rganildi.
Shuningdek, tumandagi Oyoqdo‘rman qishlog‘i «Halq-obod» mahallasi hamda Uyg‘ur qishlog‘i «Hamid Olimjon» mahallalari raislari, hokim yordamchilari, xotin qizlar faollari, yoshlar yetakchilari, profilaktika inspektorlari bilan uchrashdi.