O‘zbekiston Respublikasi Prezidenti Shavkat Mirziyoyev Nyu-York shahriga tashrifi doirasida 18 sentyabr kuni o‘ziga ajratilgan qarorgohda Yevropa kengashi Prezidenti Sharl Mishelni qabul qildi.
O‘zbekiston bilan Yevropa Ittifoqi o‘rtasidagi ko‘p qirrali hamkorlikni, eng avvalo, siyosiy, savdo-iqtisodiy, investisiyaviy va gumanitar sohalarda yanada kengaytirish masalalari ko‘rib chiqildi.
Ikki tomonlama munosabatlarda bugun g‘oyat yuksak darajaga erishilgani alohida mamnuniyat bilan qayd etildi. Yevrokengash rahbarining O‘zbekistonga tashrifi, “EI – Markaziy Osiyo” formatidagi sammitlar, O‘zaro bog‘liqlik bo‘yicha xalqaro konferensiya va iqtisodiy forumlar muvaffaqiyatli o‘tkazildi.
Yil boshidan buyon O‘zbekistonning YEI mamlakatlari bilan tovar aylanmasi hajmi 35 foizga oshdi, Yevropaning yetakchi kompaniyalari bilan birgalikda yirik investisiya loyihalari amalga oshirilmoqda, muhim madaniy tadbirlar uyushtirilmoqda.
Uchrashuv chog‘ida Kengaytirilgan sheriklik va hamkorlik to‘g‘risidagi bitimni tez fursatda qabul qilish, o‘zaro savdo va investisiyalarni ko‘paytirish uchun qulay sharoitlar yaratish, iqtisodiyotning asosiy tarmoqlarida kooperasiyani, shu jumladan uzoq muddatli ikki tomonlama hujjatlarni qabul qilish orqali chuqurlashtirish masalalari muhokama qilindi.
Evrokengash Prezidenti Sharl Mishel Markaziy Osiyoda mintaqaviy hamkorlikni ilgari surish, ishonch, yaxshi qo‘shnichilik va sheriklik munosabatlarini mustahkamlashda O‘zbekiston rahbari yetakchi rol o‘ynayotganini qayd etdi.
Samarali xalqaro transport yo‘laklarini, xususan, Transkaspiy multimodal marshrutini rivojlantirishga alohida e’tibor qaratildi.
Afg‘onistonda yuzaga kelayotgan vaziyat, shu jumladan afg‘on xalqiga gumanitar yordam ko‘rsatish borasidagi sa’y-harakatlar yuzasidan ham fikr almashildi.
Bo‘lajak ko‘p tomonlama tadbirlar rejasi ko‘rib chiqildi.
Ortiqxo‘jayev yangi lavozimda ish boshlagani aytilmoqda
Shahboz Sharif Pokistonning g‘alabasini e’lon qildi
Rossiya va Xitoy AQShning “Oltin gumbaz” loyihasiga qarshi chiqdi
