Futbol bo‘yicha O‘zbekiston Olimpiya terma jamoasi ayni kunlarda Fransiyaning Nisa shahrida so‘nggi o‘quv-mashg‘ulot yig‘inlarini o‘tkazmoqda.
Timur Kapadze shogirdlari Yangi Zelandiyaga qarshi o‘rtoqlik o‘yinida ishtirok etdi. Uchrashuvning 25-daqiqasida Oston O‘runov hisobni ochdi. 84-daqiqaga kelib, raqib jamoa hisobni tenglashtirdi.
87 va 89-daqiqalarda esa Husayn Norchayev ikki bor darvozani ishg‘ol etib, O‘zbekiston OTJga g‘alaba olib keldi.
Ma’lumot uchun Yangi Zelandiya terma jamoasi ham Parij Olimpiyadasida ishtirok etadi. Ular musobaqaning A guruhidan joy egallagan. Guruhda Fransiya, AQSh va Gvineya Yangi Zelandiyaning raqiblari hisoblanadi.
Shu tariqa O‘zbekiston Olimpiya terma jamoasi ikkinchi nazorat o‘yinida ham zafar quchdi. 15 iyul kuni jamoa “Reysing Grass” klubiga qarshi o‘ynab, 5:0 hisobida g‘alaba qozongan edi.