O‘zbekiston – Iordaniya uchrashuvi boshlanish vaqti ma’lum bo‘ldi

O‘zbekiston milliy jamoasi 20-31 yanvar kunlari Qatarda o‘quv-mashg‘ulot yig‘inini o‘tkazadi.

Yig‘in doirasida Srechko Katanes murabbiyligidagi milliy jamoamiz 27 yanvar kuni Dohada Osiyo vise-chempioni Iordaniyaga qarshi o‘rtoqlik bahsida maydonga tushadi.

O‘FA xabariga ko‘ra, O‘zbekiston – Iordaniya uchrashuvi 27 yanvar kuni Toshkent vaqti bilan soat 22:00da «Abdulloh bin Xalifa» stadionida bo‘lib o‘tadi.

Ma’lumot uchun, ushbu uchrashuv uchun legioner futbolchilar emas, asosan Superligada faoliyat yuritayotgan o‘yinchilar chaqirilgan.

O‘zbekiston milliy jamoasining Qatardagi yig‘inga jalb etilgan tarkibi:

Darvozabonlar: Abduvohid Ne’matov (Nasaf), Botirali Ergashev (Neftchi), Hamidullo Abdunabiyev (Bunyodkor)

Himoyachilar: Avazbek O‘lmasaliyev (OKMK), G‘olib G‘aybullayev (Nasaf), Dilshod Komilov (Nasaf), Islom Qobilov (So‘g‘diyona), Jahongir O‘rozov (Dinamo), Farrux Sayfiyev (Navbahor), Sherzod Nasrullayev (Nasaf), Saidazamat Mirsaidov (Navbahor), Zafarmurod Abdurahmatov (Nasaf), Umar Eshmurodov (Nasaf), Asadbek Rahimjonov (OKMK)

Yarimhimoyachilar: Akmal Mozgovoy (Nasaf), Odil Hamrobekov (Bunyodkor), Jamshid Iskanderov (Navbahor), Jahongir Abdusalomov (Surxon), Oybek Bozorov (Nasaf)

Hujumchilar: Anvarjon Hojimirzayev (Dinamo), Azizbek Amonov (Neftchi), Doniyor Abdumannopov (Paxtakor), Bobur Abduxoliqov (Nasaf), Husayn Norchayev (Neftchi), Jasur Yaxshiboyev (Ordabasi, Qozog‘iston).