O‘zbekiston banklarida oltin narxi yil boshidan beri 27 marta oshdi

O‘zbekistonda 21 aprel kuni oltin quymalarning narxi yangi rekord ko‘rsatkichga yetdi. Bu haqda Markaziy bank xabar berdi.

Unga ko‘ra, 1 gramm oltin 1 million 454 ming 920 so‘mga baholanmoqda. Bu 18 aprel kuni qayd etilgan narxdan 1,7 foizga va 17 apreldagi avvalgi rekorddan 0,9 foizga ko‘pdir. 5 grammlik o‘lchovli quyma esa 7 million 275 ming so‘mdan sotilmoqda.

Yil boshidan buyon oltin 28,5 foizga qimmatlashdi va kamida 27 marta, jumladan, aprel boshidan sakkiz marta narx rekordini yangiladi.