Statistika agentligining xabar berishicha, O‘zbekiston MDH davlatlari orasida aholining uy-joy bilan ta’minlanganlik darajasi bo‘yicha 7-o‘rinda. Joriy yilning 1 yanvar holatiga respublikamizda aholining uy-joy bilan ta’minlanganlik ko‘rsatkichi har bir aholiga umumiy yashash maydonidan o‘rtacha 18,5 kvadrat metrni tashkil etgan.
Bu ko‘rsatkich 2022 yilning mos davriga nisbatan 0,3 kvadrat metrga oshgan.
2023 yilning 1 yanvar holatiga MDH davlatlarida aholining uy-joy bilan ta’minlanganlik darajasi quyidagicha:
Armaniston – 35,5 kv. m, Moldova – 35,3 kv. m, Belarus R. – 29,4 kv. m, Rossiya – 28,2 kv. m, Qozog‘iston – 23,4 kv. m, Ozarbayjon – 20,1 kv. m, O‘zbekiston – 18,5 kv. m, Qirg‘iz R. – 13 kv. m, Tojikiston – 10,9 kv. metrni tashkil etadi.
Raqamlar davlatlarning rasmiy statistika ma’lumotlaridan olingan.
