Ukraina prezidenti Vldimir Zelenskiyning ta’kidlashicha, AQSh prezidenti Donald Tramp ham qatnashadigan uch tomonlama uchrashuvdan oldin o‘t ochishni to‘xtatish e’lon qilinishi kerak.
"Biz avval ikki tomonlama formatda uchrashuv o‘tkazamiz, undan keyin esa uch tomonlama formatda muzokaralar bo‘ladi. Menimcha, ikki tomonlama kelishuvlarsiz va o‘t ochishni to‘xtatishning biror shaklisiz uch tomonlama uchrashuv deyarli imkonsiz", — dedi Ukraina yetakchisi.
Zelenskiy, shuningdek, o‘t ochishni to‘xtatishni muzokaralarni muvaffaqiyatli davom ettirish uchun zaruriy shart deb hisoblashini aytdi.
