Umraga borgan 170 dan ortiq o‘zbekistonlik Vatanga qaytolmay qoldi

Makka shahridagi “Kanari” va “Al-Ayam Elite” mehmonxonalarida 170 nafardan ortiq o‘zbekistonlik ziyoratchi qaytishni kutib turibdi.

Ma’lum bo‘lishicha, ular noqonuniy tashkil etilgan umra safarlari sabab muammoga duch kelgan. Orasida keksa va turli surunkali kasallikka chalinganlar ham bor.

Diplomatlar holatni nazoratga olgan, ammo jarayon vaqt olishi mumkin. Ziyoratchilarga imkoni bo‘lsa, o‘z hisobidan aviachipta olib qaytish tavsiya etilgan.

Shuningdek, fuqarolarga ularni aldagan shaxslar ustidan Vatanga qaytgach murojaat qilish mumkinligi aytilgan.