Ukrainaning hujumidan so‘ng Rossiyaning “Transneft”kompaniyasi Novorossiysk portiga neft yetkazishni to‘xtatdi

Rossiyaning “Transneft” neft quvurlari kompaniyasi Novorossiysk portiga neft yetkazishni to‘xtatganini, vaziyat bilan tanish ikki manbaga tayanib, Reuters xabar qildi. Shu bilan birga, agentlikka ko‘ra, “Transneft” vakillari bunga izoh berishdan bosh tortgan.

Bu orada prezident Zelenskiy Ukraina Qurolli kuchlari kechasi Rossiya hududidagi “muayyan nishonlar”ga zarba berish uchun uzoq masofali “Neptun” raketalaridan foydalanganini aytdi.

Avvalroq Novorossiysk shahri meri Ukraina hujumi oqibatida “Chernomortransneft” kompaniyasiga tegishli rezervuar va qayiqlar to‘xtash joyi, konteyner terminali, “Sheshxaris” yuk ortish kompleksidagi neft bazasi hamda bir nechta turar-joy binolariga zarar yetganini bildirgan edi.