Ukrainalik himoyachi Ilya Zabarniy "Bornmut"dan "PSJ"ga o‘tishi mumkin. Shu bilan birga, Zabarniy faqat bir holatda - agar jamoadan rossiyalik darvozabon Matvey Safonov ketgan taqdirda, parijliklar tarkibini to‘ldirishga tayyor. Bunday talabni 22 yoshli ukrainalik muzokaralar jarayonida ilgari surgan. Bu haqda "PSJ Reporter" xabar bermoqda.
Shuningdek, "PSJ" va Safonov o‘rtasida ham keskinlik kuzatilmoqda. 26 yoshli rossiyalik darvozabonni klubni tark etishga undashmoqda.
Matvey Safonov o‘tgan yozda "PSJ" safini to‘ldirgandi. O‘shandan beri rossiyalik to‘rtta chempionlikni qo‘lga kiritdi - Liga 1, Fransiya kubogi, Fransiya Superkubogi va Chempionlar ligasi.
