Ukraina TIV: "Kiyev urushni uch oyga to‘xtatishga tayyor"

Agar Moskva ham xuddi shunday tashabbus ko‘rsatsa, Ukraina Rossiya bilan uch oygacha vaqtinchalik o‘t ochishni to‘xtatishga tayyorligini bildirdi.

Bu haqda Ukraina tashqi ishlar vazirligi rahbari Andrey Sibiga X ijtimoiy tarmog‘idagi sahifasida ma’lum qildi.

"Rossiya kamida 30 kunlik o‘t ochishni to‘xtatishga rozi bo‘lish orqali tinch yo‘l bilan kelishuvga chinakam manfaatdor ekanini ko‘rsatishi mumkin. Biz uzoqroq muddatlarga ham ochiqmiz – agar Rossiya tomoni bunga tayyor bo‘lsa, 60 yoki 90 kunga bi ham tayyormiz", - dedi diplomat.

Sibigaga ko‘ra, bunday qadam keyingi muzokaralar va frontda keskinlashuv darajasini pasaytirish uchun sinov bosqichiga aylanishi mumkin, biroq har ikki tomon o‘t ochishni to‘xtatish rejimiga rioya qilish sharti bilan.