Ukraina Tataristonga dronlar bilan hujum qildi

Ukraina Rossiya urushi boshidan buyon ilk bor Tataristonga dronlar bilan hujum qildi. Jabrlanganlar bor.

TASS agentligi respublika rahbari matbuot xizmatiga tayanib yozishicha, dronlar Yelabuga va Nijnekamskdagi korxonalarga hujum qilgan. Mahalliy rasmiylar hujum oqibatida yaralanganlar borligini ma’lum qilgan.

Baza telegram-kanaliga ko‘ra, gap besh nafar yarador haqida bormoqda. Yelabugada alohida iqtisodiy zona xodimlari hamda «Alabuga Politex» kolleji talabalari uchun 2022-yilda qurilgan hostellar kompleksiga zarba berilgan.