Ukraina RF Paralimpiya qo‘mitasiga qarshi sanksiyalar joriy qildi

Ukraina prezidenti Vladimir Zelenskiy Rossiya Federasiyasining uch nafar fuqarosi va ikki yuridik shaxsiga nisbatan sanksiyalar joriy qildi.

Report xabariga ko‘ra, tegishli prezident farmoni — №60/2026 — Ukraina prezidenti rasmiy saytida e’lon qilindi. Sanksiyalar, xususan, Rossiya Paralimpiya qo‘mitasi hamda Rossiya kompyuter sporti federasiyasiga taalluqli.

Bayonotda aytilishicha, sanksiyaga tushgan shaxs va tashkilotlar sport maydonlaridan Ukrainaga qarshi axborot targ‘iboti va Rossiya propagandasini yoyish uchun foydalangan hamda RFning Ukrainaga qarshi qurolli tajovuzini oqlashga uringan.