Rossiya Mudofaa vazirligi 11 yanvar kuni Ukraina Qurolli kuchlari tomonidan Krasnodar o‘lkasidagi "Turk oqimi" gaz quvuridagi kompressor stansiyasiga hujum uyushtirishga uringani haqida xabar berdi. Xabar qilinishicha, hujumda ishtirok etgan to‘qqizta dronning barchasi urib tushirilgan.
"Kompressor stansiyasining texnik xizmat ko‘rsatuvchi xodimlari orasida qurbonlar va vayronagarchiliklar yo‘q. Bitta dron parchalari qulashi natijasida "Russkaya" kompressor stansiyasi hududidagi gazni o‘lchash punkti binosi va jihozlariga ozgina shikast yetgan", - deyiladi xabarda. Bu haqda rossiyalik harbiylarga tayanib "Interfaks" xabar bermoqda.
Rossiya prezidenti matbuot kotibi Dmitriy Peskov voqeani izohlar ekan, Ukraina tomonini energetik terrorizmda aybladi. "Bularning barchasidan manfaatdorlar – Yevropa bozorlariga suyultirilgan gaz yetkazib berish hajmini sezilarli darajada izchil oshirayotgan Qo‘shma Shtatlardir", — dedi u.
Xitoy va Yaponiyadan keyin Rossiya ham shu taklifni bermoqda
Lionel Messi "Inter Mayami" bilan yangi shartnomaga qaramay, 2025-yilda Yevropa futboliga shov-shuvli qaytishi mumkinligi haqida tushuntirish
RF uchun yana bir “bosh og‘riq” paydo bo‘ldi
