Ukraina prezidenti devonining ishdan bo‘shatilgan rahbari: "Men frontga ketyapman"

Ukraina prezidenti devonining ishdan bo‘shatilgan rahbari Andrey Yermak janjaldan keyin ilk bor G‘arb jurnalistlari bilan bog‘landi.

Bu haqda The New York Post (NYP) xabar bermoqda.

Sobiq amaldor nashrga emosional xabar yubordi. Unda u har qanday qatag‘onga tayyor ekanligiga ishontirib, o‘zini halol va munosib inson deb atagan.

"Meni harom ish qildi deb ayblashdi va mening qadr-qimmatim himoya qilinmadi", dedi Yermak. "Shuning uchun men Ukraina prezidenti Vladimir Zelenskiyga muammo yaratmoqchi emasman, men frontga ketyapman", deya qo‘shimcha qildi u.

Prezident devoni sobiq rahbari frontga qachon va qanday lavozimda borish niyatida ekanligiga aniqlik kiritmadi. Bundan tashqari, agar u bilan bog‘lanish imkoni bo‘lmasa, oldindan uzr so‘radi.

Eslatib o‘tamiz, Zelenskiy mamlakatdagi korrupsiya mojarosi fonida Yermakning Ukraina prezidenti devoni rahbari lavozimidan iste’foga chiqishi haqidagi arizani imzolagan edi.