Ukrainaning o‘zi Rossiya bilan muzokara boshlashga qaror qilishi kerak va AQSh har qanday holatda ham Kiyevni qo‘llab-quvvatlaydi. Bu haqda chorshanba kuni AQSh Davlat kotibi Entoni Blinken ma’lum qildi, deb yozmoqda RIA Novosti.
“Muzokaralarga kelsak, bu qarorlarni AQSh yoki boshqa davlat emas, Ukraina qabul qilishi kerak”, — dedi u Kiyevdagi matbuot anjumanida.
Blinkenning so‘zlariga ko‘ra, Ukraina “muzokaralarda ishtirok etishdan jiddiy manfaatdor bo‘lsa” javob berishga tayyor bo‘ladi. "Biz Ukrainani qarorlarida qo‘llab-quvvatlaymiz", deb qo‘shimcha qildi u.
Moskva muzokaralarga tayyor ekanini bir necha bor bildirgan, biroq Kiyev ularga qonunchilik darajasida taqiq joriy qilgan. G‘arb Rossiyani muzokaralarga chaqirmoqda, Moskva bunga tayyorligini ko‘rsatmoqda, biroq ayni paytda G‘arb Kiyevning doimiy ravishda muloqot qilishdan bosh tortishiga e’tibor bermaydi.
Avvalroq, Kreml Ukrainadagi vaziyatni tinch yo‘lga o‘tkazish uchun hech qanday shartlar yo‘qligini ta’kidlagan edi, hozirda bu faqat harbiy yo‘l bilan amalga oshirilishi mumkin.