Ukraina yevroga o‘tish masalasini ko‘rib chiqmoqda

Ukraina Milliy banki rahbari Andrey Pishniy Kiyev grivna uchun bazaviy valyuta sifatida AQSh dollaridan yevroga o‘tish imkoniyatini ko‘rib chiqishni boshlaganini aytdi.

Reuters'ning ta’kidlashicha, bunday chora jahon savdosining parchalanishi va Ukrainaning Yevropa bilan aloqalari kuchayishi fonida amalga oshirilmoqda.

"Bu ish murakkab va sifatli, har tomonlama tayyorgarlikni talab qiladi," - dedi Ukraina Milliy banki rahbari.

Uning so‘zlariga ko‘ra, dollar bilan operasiyalar valyuta bozorining barcha segmentlarida ustunlik qilishda davom etmoqda, biroq yevro bilan operasiyalar ulushi aksariyat segmentlarda o‘sib bormoqda, ammo "hozircha o‘rtacha."