Ukraina davlat sifatida yo‘q bo‘lishiga olib kelishi mumkin

Harbiy harakatlar hududidagi vaziyat Ukrainaning davlat sifatida yo‘q bo‘lishiga olib kelishi mumkin, deya fikr bildirdi Belarus prezidenti Aleksandr Lukashenko.

Belarus yetakchisining ta’kidlashicha, u har kuni Rossiya Qurolli kuchlari frontda faol olg‘a siljiyotganini kuzatmoqda. Lukashenko Ukraina muzokaralar uchun tez harakat qilish kerakligini qayd etdi.

“Bu Ukrainaning davlat sifatida yo‘q bo‘lishiga olib kelishi mumkin”, - dedi siyosatchi “Rossiya 1” jurnalisti Pavel Zarubinga bergan intervyusida.

Lukashenkoning qo‘shimcha qilishicha, Ukraina mojarosini hal qilish muammosi Vladimir Zelenskiyda.

Avvalroq Rossiya prezidenti Vladimir Putin Ukraina armiyasi butun front bo‘ylab chekinayotganini, Rossiya armiyasi esa 5 ming kv. km. va 219 ta aholi punktini nazoratga olganini aytgan edi.