Ukraina mudofaa kuchlari Gulyaypol yo‘nalishida Rossiya Qurolli Kuchlarining Sharqiy harbiy okrugiga qarashli 189-motoo‘qchi polkining qo‘mondonlik punktiga zarba berdi. Mazkur polk 35-umumqo‘shin armiyasining operativ boshqaruvida bo‘lgan.
Ukraina ommaviy axborot vositalari xabar qilishicha, zarba polk rahbariyatining yig‘ilishi o‘tkazilayotgan paytda berilgan. Olingan ma’lumotlarga ko‘ra, 189-motoo‘qchi polk qo‘mondoni podpolkovnik M.N. Petrov halok bo‘lgan. Taxminlarga asosan, zarba oqibatida polkning yana 20 nafar harbiy xizmatchisi ham halok bo‘lgan.
