Rossiyaning "Vostok" guruhi bo‘linmalari Janubiy Donesk yo‘nalishidagi Priyutnoye hududida Ukraina qo‘shinlarining qarshi hujumini bartaraf etdi.
"Janubiy Donesk yo‘nalishida "Vostok" kuchlar guruhi bo‘linmalari artilleriya yordami bilan Priyutnoye shimoli-g‘arbidagi hududda dushmanning qarshi hujum uyushtirishga bo‘lgan urinishining oldini oldi. Ukraina Qurolli kuchlarining piyoda askarlari yo‘q qilindi", — dedi guruh matbuot markazi rahbari Chexov.
Bundan tashqari, uning so‘zlariga ko‘ra, Ukraina Qurolli kuchlari bo‘linmalarining Urojayniy hududida o‘rin almashishga bo‘lgan urinishlari to‘xtatilgan, dushman texnikasi va askarlari yo‘q qilingan. Kontrbatareyaga qarshi jangda ukrainalik harbiylar ikki minomyot ekipajidan mahrum bo‘lgan.
Rossiya Mudofaa vazirligi kuni kecha Ukraina Qurolli kuchlari bir kunda Janubiy Donesk yo‘nalishida 70 nafarga yaqin harbiy xizmatchisi, bir piyoda jangovar mashinasi va ikkita avtomashinasini yo‘qotganini xabar qilgan edi.
