Ukraina anneksiya qilingan Qrimda Rossiya qayig‘i yo‘q qilinganini ma’lum qildi

Ukraina Mudofaa vazirligining Bosh razvedka boshqarmasi anneksiya qilingan Qrimda Rossiya qayig‘i yo‘q qilinganini ma’lum qildi.

Ukraina Mudofaa vazirligining Bosh razvedka boshqarmasi 9 avgustga o‘tar kechasi anneksiya qilingan Qrimda Rossiyaning «Tuna» transport-desant kateri yo‘q qilinganini ma’lum qildi. Rossiya rasmiylari bu ma’lumotga hozircha izoh bermagan.

Ukraina razvedkasi ma’lumotlariga ko‘ra, operasiya natijasida yana uchta kema zarar ko‘rgan; Ta’kidlanishicha, avvalroq Rossiyaning ikkita shunday kemasi yo‘q qilingan va yana ikkitasi shikastlangan.

«Krim.Realii» nashri 9 avgustga o‘tar kechasi Chernomorskoyeda portlashlar eshitilganini yozdi. Mahalliy aholining da’vo qilishicha, hujum paytida to‘rtta kema cho‘kib ketgan.