Ukraina 800 mln, Gazprom 5 mlrd dollarsiz qoladigan bo‘ldi

Gazprom Ukraina orqali gaz tranzitini to‘xtatdi. Reuters hisob-kitoblariga ko‘ra, yetkazib berishning to‘xtatilishi Ukrainaning tranzitdan yiliga 800 million dollarga yaqin, Gazprom esa gaz sotishdan 5 milliard dollarga yaqin daromad yo‘qotishiga olib keladi.

Gazprom Ukraina orqali gaz yetkazib berishni to‘xtatdi. Bu haqda rus kompaniyasi 1-yanvar, chorshanba kuni Telegram’dagi kanalida ma’lum qildi.

Ular 2019-yil 30-dekabrda “Gazprom” YOAJ va Ukrainaning “Naftogaz” NJA o‘rtasida Rossiya gazini tashishni tashkil etish bo‘yicha imzolangan shartnoma va ikki mamlakat GTS operatorlari o‘rtasidagi o‘zaro hamkorlik to‘g‘risidagi shartnomaning amal qilish muddati tugaganini eslatdi.

“Ukraina tomonining ushbu kelishuvlarni uzaytirishdan bir necha bor va aniq ifodalangan rad etishi tufayli “Gazprom” 2025-yil 1-yanvardan boshlab Ukraina hududi orqali tranzit uchun gaz yetkazib berishning texnik va huquqiy imkoniyatidan mahrum bo‘ldi”, — deya ta’kidladi Rossiya kompaniyasi.

Rossiya gazining Ukraina orqali tranziti “milliy xavfsizlik manfaatlari uchun” to‘xtatildi, deya tasdiqladi Ukraina Energetika vazirligi. "Biz Rossiya gazining tranzitini to‘xtatdik, bu Rossiya bozorlarini yo‘qotmoqda, u moliyaviy yo‘qotishlarga duchor bo‘ladi", dedi Ukraina energetika vaziri German Galushchenko.

Reuters taxminlariga ko‘ra, yetkazib berishning to‘xtatilishi Ukrainaning tranzitdan yiliga 800 million dollarga yaqin, Gazprom esa gaz sotishdan 5 milliard dollarga yaqin daromadlarini yo‘qotishiga olib keladi.

2024-yilda Rossiya konserni ushbu yo‘nalish bo‘ylab qariyb 15 milliard kub metr yoqilg‘i yetkazib berdi, bu Yevropa Ittifoqidagi umumiy iste’molning 4,5 foizini tashkil etdi. Yevropa Ittifoqi tranzitni to‘xtatishga tayyorligini e’lon qilgan bo‘lsa-da, hamma davlatlar ham bu pozisiyani qo‘llab-quvvatlamaydi. Xususan, Slovakiya Bosh vaziri Robert Fitso mamlakatda gaz ta’minoti to‘xtab qolgani sababli gaz inqirozi yuzaga kelishidan ogohlantirdi.