Qozog‘iston prezidenti Ukraina frontidagi vaziyat haqida fikr bildirdi

Qosim-Jo‘mart To‘qayev Qozog‘istonning Ana tili gazetasi uchun bergan intervyusida dekabr oyi boshida AQShning saylangan prezidenti Donald Tramp bilan telefon orqali suhbatlashganini ma’lum qildi.

Qozog‘iston prezidentining so‘zlariga ko‘ra, Tramp undan Ukrainadagi harbiy harakatlarni to‘xtatish bo‘yicha fikrini so‘ragan.

"O‘ziga xos murakkab yuzaga kelmoqda: Rossiya harbiy nuqtayi nazardan yengilmas, Ukraina esa G‘arbdagi ittifoqchilarining yordami bilan urushda taslim bo‘lmaslikka yoki hech bo‘lmaganda mag‘lub bo‘lmaslikka umid qilmoqda. Shu sababli men bu masala ancha murakkab ekanini va uning yechimi ikki tomonning yetakchilari hamda dunyodagi qudratli davlatlardan birining yetakchisi sifatida Trampning irodasiga bog‘liq ekanini aytdim", — dedi To‘qayev intervyuda.