Bu xabarni Ukraina prezidenti devoni rahbari Andrey Yermak tasdiqladi.
Unga ko‘ra, 215 nafar ukrainalik harbiy xizmatchi, jumladan, 124 ofiser Rossiya asirligidan ozod etilgan.
Eslatib o‘tamiz, Ukraina xavfsizlik xizmati oligarx va shu bilan birga "Muxolifat platformasi - Hayot uchun" partiyasi siyosiy kengashi rahbari Viktor Medvedchukni hibsga olgandi
Ukraina Bosh prokuraturasi Viktor Medvedchukning Moskva bilan aloqalari "2014-2015 yillarda davlatning iqtisodiy xavfsizligiga putur yetkazganini" iddao qilib keladi. Unga ko‘ra, oligarx Ukrainani energiya manbalarini diversifikasiya qilish imkoniyatidan mahrum qilgan.
Shuningdek, Medvedchukni "Putinning eng yaqin insonlaridan bittasi", deb ham ta’riflashadi.
