O‘zbekiston milliy terma jamoasi FIFA kunlari doirasida 11 noyabr kuni Qatarga jo‘nab ketadi. Jamoamizni 14 noyabr kuni Qatar bilan, 19 noyabrda esa KXDR bilan rasmiy uchrashuvlar kutib turibdi.
«Paxtakor» va «Nasaf» klublari Superligadan tashqari Chempionlar ligasida ham ishtirok etmoqda. Ularning xalqaro o‘yinlaridan kelib chiqib, Liga Superliga 24-turidan o‘rin olgan «Nasaf» — «So‘g‘diyona» hamda «Navbahor» — «Paxtakor» bellashuvlarini 10 noyabrga tayin qilgandi. Milliy terma jamoa Qatarga ertaroq uchishni o‘z rejasiga kiritgani uchun O‘FA Superliganing mazkur o‘yinlarini 9 noyabr kuni o‘tkazish taklifi bilan chiqdi.
Mazkur taklifga 5 noyabr sanasida «Ar-Rayyan» klubini qabul qilayotgan «Paxtakor» rozilik berdi. 6 noyabr kuni Qarshida «Al-Husayn» jamoasini qabul qiladigan «Nasaf» esa har ikki uchrashuv orasidagi farq juda qisqa ekani sababli Superliga bellashuvini 10 noyabr kunida qoldirishni maqsadga muvofiq deb hisobladi.
Namangandagi markaziy o‘yin 9 noyabr kuniga o‘zgartirilganidan kelib chiqib, endilikda "Andijon" — "Qizilqum" bellashuvi 10 noyabr kuni bo‘lib o‘tadi.
OFK KXDR-O‘zbekiston o‘yini boshlanish vaqtini e’lon qildi
Messi yana jahon yulduzlariga qarshi maydonga chiqadi
Abduqodir Husanovga Angliya Premyer-ligasi grand klubi qiziqib qolgan
