UYEFA superkubogida YECHL g‘olibi «Real» Yevropa Ligasi chempioni «Atalanta» bilan to‘qnash kelib, ikkinchi bo‘limdagi gollar evaziga ishonchli g‘alabaga erishdi.
59-daqiqada Vinisiusning uzatmasidan so‘ng Valverde hisobni ochgan bo‘lsa, 68-daqiqada Bellingemning assistidan keyin Mbappe Madrid klubidagi ilk o‘yinida debyut to‘pini kiritdi.
Shu tariqa «Real» 6-bor superkubokni yutib, «Barselona» va «Milan»ni ortda qoldirgan holda mutlaq rekordchiga aylandi.
UYEFA superkubogi
Real — Atalanta 2:0
14 avgust. Varshava, «PGE»
Gollar: Valverde (59), Mbappe (68).
