Amerikalik aktyor Bred Pitt shved qo‘shiqchisi Lyukke Li bilan ishqiy munosabatda. Bu haqda The Sun nashri xabar bermoqda.
Nashr manbasining ta’kidlashicha, aktyor o‘tgan yilning o‘rtalarida 35 yoshli qo‘shiqchi bilan yashirincha uchrasha boshlagan. Ularning ikkalasi ham Los-Anjelesda bir-biridan bir necha daqiqalik masofada yashaydi.
Qayd etilishicha, yaqinda juftlik Gollivudning yangi «Mother Wolf» muassasasida ko‘rishgan. Ular birga tushlik qilishdi.
2021 yil 27 avgustda Pitt model Nikol Poturalski bilan uchrasha boshlagani haqida xabar berilgan edi. U aktyor bilan Fransiya janubiga sayohatga bordi. Keyinchalik uning turmushga chiqqanligi ma’lum bo‘ldi. Modelga yaqin manba Poturalski va uning 68 yoshli eri ochiq munosabatlar tarafdori ekanligini tushuntirdi. Oktyabr oyida Pitt Poturalski bilan ajrashgani haqida xabar berildi.
Xuddi shu oyda aktyor sudda sobiq rafiqasi aktrisa Anjelina Joliga yutqazdi. Kaliforniya Oliy sudi uning davom etayotgan bolani vasiylik ishi bo‘yicha apellyasiyasini rad etdi.
