Turkiyaning 81 viloyatida maktablar 20 fevralgacha yopiladi.
Bu haqda Turkiya milliy ta’lim vaziri Mahmud O‘zer ma’lum qildi.
Eslatib o‘tamiz, 6 fevral kuni Turkiyaning janubi-sharqida 7,7 magnitudali zilzila sodir bo‘lgan edi.
Zilzila o‘chog‘i Qahramanmarash viloyatining Pazardjik tumanida, 7 kilometr chuqurlikda bo‘lgan. Hatay, Gaziantep, Kilis, Osmaniya, Malatya, Adiyaman, Shanliurfa, Diyorbekir, Adana va Qahramanmarash viloyatlarida jiddiy vayronagarchiliklar kuzatilmoqda.
