Turkiyadagi yong‘inlarni uyushtirgan terrorchilar guruhi nomi ma’lum bo‘ldi

Iyul oyining oxiridan buyon butun Turkiya bo‘ylab tarqalgan o‘rmon yong‘inlarini "Olov bolalari" terroristik guruhi o‘z zimmasiga oldi. Bu haqda Yeni Safak gazetasi yozadi.

"Olov bolalari" - Kurdiston ishchilar partiyasi (KIP) bo‘linmasi, uning a’zolari Turkiyada terrorchi deb tan olingan. Tashkilot ijtimoiy tarmoqlar orqali o‘zini yong‘inlar uchun javobgar deb e’lon qildi va o‘z harakatlarini hokimiyat bilan kurash deb tushuntirdi. "Boshqa tilni tushunishni o‘rganmaguncha, Turkiya rejimini olov oqimi bilan tiz cho‘ktirish vaqti keldi", deyiladi bayonotda.

Gazetaning ta’kidlashicha, "Olov bolalari" 1990-yillardan boshlab mamlakatda muntazam ravishda yong‘inlarga sabab bo‘lgan. Ular o‘tgan yili ham xuddi shunday harakatlarni amalga oshirgan.

Avvalroq, Turkiya prezidenti Rajab Toyyib Erdog‘an yong‘inlarda KIPning ishtiroki borligini bir necha bor e’lon qilgandi.