Suriyada 24 yil hukmronlik qilgan Bashar al-Asad rejimi ag‘darilgach, Turkiyadagi suriyalik qochqinlar ommaviy ravishda o‘z yurtlariga qaytishni boshladi. Bu haqda Qazaqstan.tv xabar beradi.
Turkiyaning sharqidagi 10 yildan ortiq vaqtdan beri yopilgan bir qancha chegara punktlari odamlarning bemalol o‘tishi uchun qayta ochildi. Turkiya Ichki ishlar vazirligi ma’lumotlariga ko‘ra, so‘nggi kunlarda chegarani kesib o‘tmoqchi bo‘lganlar soni 5 barobarga oshgan.
Rasmiy ma’lumotlarga ko‘ra, fuqarolar urushidan qochib Turkiyada boshpana topgan suriyalik qochqinlar soni 3 milliondan oshadi.
