Turkiyadagi parfyumeriya zavodida yong‘in: 7 kishi halok bo‘ldi

Turkiyaning shimoli–g‘arbida joylashgan Kodjaeli viloyatining Dilovasi tumanida 8 noyabr kuni parfyumeriya mahsulotlari ishlab chiqaruvchi zavodda kuchli yong‘in sodir bo‘ldi. Bu haqda mahalliy “Sabah” nashri xabar berdi.

Dastlabki ma’lumotlarga ko‘ra, halok bo‘lganlar soni yetti nafarni tashkil etgan. Hodisa joyiga ko‘plab yong‘in o‘chiruvchi guruhlar va tez yordam xizmatlari jalb etilgan.

Hozirda yong‘inning kelib chiqish sabablari o‘rganilmoqda. Hodisa yuzasidan surishtiruv ishlari boshlangan.