Turkiyadagi mehmonxonada yuz bergan yong‘in qurbonlari soni 76 kishiga yetdi

Bu haqda Turkiya Ichki ishlar vaziri Ali Yerlikaya ma’lum qildi. Avvalroq 66 kishi halok bo‘lgani haqida xabar berilgan edi.

Yong‘in 21 yanvar kuni kechasi Kartalkaya tog‘-chang‘i kurortidagi 11 qavatli mehmonxonada sodir bo‘lgan. Hodisa yuz bergan paytda mehmonxonada 200 dan ortiq odam bo‘lgan.

Turkiya prezidenti Rajab Toyyib Erdo‘g‘on Kartalkaya tog‘-chang‘i kurortidagi mehmonxonada yuz bergan yong‘in qurbonlari xotirasiga Turkiyada 22 yanvar motam kuni deb e’lon qildi.