Turkiya Qurolli kuchlari bo‘linmalari ikki yil muddatga Somalida xavfsizlik faoliyatini qo‘llab-quvvatlash va terrorizmga qarshi kurashni qo‘llab-quvvatlash uchun joylashtirilishi mumkin, deb yozadi hukumatga yaqin "Yeni Shafak" gazetasi.
“Turkiya va Somali o‘rtasidagi mudofaa sohasidagi hamkorlik kelishuvi doirasida Turkiya Oliy Millat Majlisiga (parlament) mamlakat qurolli kuchlari bo‘linmalarini Somalida terrorizm va boshqa tahdidlarga qarshi ikki yil muddatga joylashtirish taklifi yuborildi. Prezident Rejep Tayyip Erdo‘g‘an tomonidan imzolangan Turkiya Buyuk Millat Majlisi Prezidiumiga yuborilgan hujjatda Turkiya va Somali o‘rtasidagi mavjud kelishuvlar doirasida xavfsizlik va barqarorlikni ta’minlash maqsadida Somalida o‘quv, yordam va maslahatlashuv tadbirlari olib borilayotgani qayd etilgan", deyiladi xabarda.
Xujjatda qayd etilishicha, Turkiya dengiz floti bo‘linmalari berilgan ruxsatnomalar doirasida Adan ko‘rfazida, Somali qirg‘oqlari yaqinida (Somali hududiy suvlari bundan mustasno), Arab dengizi va unga tutash hududlarda Turkiya Oliy Millat Majlisi tomonidan 2009 yildan beri berilgan va oxirgi marta 2024 yil 17 yanvarda bir yilga uzaytirilgan ruxsatnoma asosida dengiz banditizmi, qurolli talonchilik va dengiz terrorizmiga qarshi kurash bo‘yicha sa’y-harakatlarni samarali qo‘llab-quvvatlamoqda.
