Turkiya Qrim anneksiyasi va Ukrainaning hududiy yaxlitligi haqida qanday fikrda?

Turkiya Tashqi ishlar vazirligi Qrimning Rossiya tomonidan anneksiya qilinganining yilligiga bag‘ishlab bayonot tarqatdi.

"Rossiya Federasiyasi tomonidan o‘n bir yil oldin (16 mart kuni) Qrim Avtonom Respublikasini noqonuniy referendum orqali anneksiya qilingan sanada, biz Qrimdagi xalqaro huquqni buzuvchi amaldagi vaziyatni tan olmasligimizni va Ukrainaning hududiy yaxlitligi hamda suverenitetini qo‘llab-quvvatlashimizni yana bir bor ta’kidlaymiz," - deya Turkiya tashqi siyosat idorasi xabarida aytilgan.

Turkiya Tashqi ishlar vazirligi Qrimdagi voqealarni, ayniqsa qrim tatarlari bilan bog‘liq vaziyatni kuzatishni davom ettirishini va bu masalani xalqaro hamjamiyat kun tartibida saqlab qolishini ta’kidladi.