Turkiya NATO va Isroil o‘rtasidagi hamkorlikka to‘sqinlik qilmoqda

Turkiya oktyabr oyidan beri G‘azo sektoridagi urush tufayli NATO va Isroil o‘rtasidagi hamkorlikka to‘sqinlik qilmoqda. Anqara mojaro tugamaguncha alyans Isroil bilan sherik sifatida aloqa qilmasligini ta’kidlamoqda. Bu haqda Reuters agentligi vaziyatdan xabardor manbalarga tayanib xabar berdi.

Isroil NATO hamkori maqomiga ega va harbiy alyans va uning ayrim a’zolari, xususan, eng yirik ittifoqchisi AQSh bilan yaqin munosabatlarni rivojlantiradi.

Biroq Anqara Isroilning «genosid» deb atagan G‘azoga bostirib kirishini qattiq tanqid qilib, o‘zaro savdoni to‘xtatdi. U shuningdek, ko‘plab G‘arb ittifoqchilarini Isroilni qo‘llab-quvvatlaganliklari uchun tanqid qildi.

Turkiya o‘tgan yilning oktyabr oyidan beri Isroilning G‘azo sektorida falastinliklarni qirg‘in qilishini NATOning ta’sis tamoyillarini buzish sifatida baholab, NATOning Isroil bilan barcha aloqalariga, jumladan, qo‘shma yig‘ilish va mashg‘ulotlarga veto qo‘ygan.

❕ Ma’lumotlarga ko‘ra, Turkiya bu pozisiyasini saqlab qoladi va Isroilning G‘azodagi harakatlari xalqaro huquqqa zid ekanligiga ishonchi komil bo‘lgani uchun bosqin tugamaguncha Isroilga NATO bilan hamkorlikni davom ettirish yoki rivojlantirishga ruxsat bermaydi.